As casas de indianos son construcións típicas nas zonas de emigrantes a América. Aqueles que trunfaban enviaban cartos ó seu lugar de procedencia e construían casas dun estilo en boga na América naquel entón, que contrastan coas da súa contorna pola riqueza de construción e formas, e que comezaron a ser chamadas así polo nome dos emigrantes ás Américas, 'indianos' os cales, en moitos casos actuaron como filántropos nas súas vilas natais, construíndo escolas, prazas, parques e restaurando as igrexas locais