Os elefantes son animais herbívoros, alimentandose de herba e follas de árbores. Dado o seu tamaño, un elefante adulto pode inxerir entre 140 a 270 kg de alimentos por dia. As femias viven en manadas, lideradas por unha matriarca, compostas por varias reprodutoras e crias de variadas idades. O período de xestación é longo (20 a 22 meses), asi como o desenvolvimento do animal que leva anos a atinxir a idade adulta. Os machos adolescentes tenden a vivir en pequenos bandos e os machos adultos illados, encontrandose coas femias apenas no período reprodutivo.

As cebras son membros da familia dos cabalos nativa de África central e do sur. Teñen raias verticais negras e brancas nos cuartos dianteiros, tendendo horizontalmente cara a parte traseira do animal. No seu hábitat natural realizan migracións en grandes manadas en busca de alimentos.

O oso é un gran mamifero da orde dos carnívoros, familia Ursidae. Na Galiza é posíbel ver o oso pardo nas serras orientais, onde pasa procedente de Asturias.

Todos os osos teñen en común a pel densa, un rabo curto e un bo sentido do olfacto e do ouvido. Son animais corpulentos, aínda que isto depende, en último grao, da dieta de cada animal, e mesmo son quen de alzarse en pé sobre as patas posteriores. Posúen un fociño longo e orellas redondas. Usa os dentes para defensa persoal e como instrumentos. Usan as uñas para despedazar a carne e mais para escavar buracos profundos.

Os tigres (Panthera tigris) son mamíferos da familia Felidae, pertencentes a unha das catro especies de felinos do xénero Panthera. Os tigres son cazadores carnívoros.

O peso récord dun macho adulto é de máis dun terzo de tonelada. Coma os leopardos, os tigres comen principalmente de noite. A pesar do seu gran tamaño, poden axexar as súas presas en completo silencio, denantes de se abalanzar sobre elas a curta distancia. Apreixan as súas vítimas coas poutas dianteiras e mátanas trabándolles na gorxa. Os tigres son perigosos para as persoas; levan causadas moitas vítimas, especialmente alí onde os humanos alteran o seu hábitat natural.

Os tigres presentan unhas raias negras que os axudan a camuflarse. Non teñen inimigos naturais, pero os homes mátanos porque teñen medo deles, se ben os tigres non merecen esa mala sona.

Crocodilo pode ser calquera das 14 especies dos réptiles da familia Crocodylidae. O termo tamén é usado ás veces para incluir todos os membros da orde Crocodylia: isto é, os crocodilos verdadeiros, os lagartos e caimáns ou xacarés (familia Alligatoridae) e o gavial (familia Gavialidae).

Os crocodilos viven nas Américas, África, Asia e Australia. Os crocodilos habitan xeralmente as marxes de rios, mentres os da Australia e illas do Pacífico tamén frecuentan o mar.

O maior réptil hoxe na face da terra é o crocodilo de agua salgada encontrado no norte da Australia e illas do sudeste da Asia.